„Македонија и Македонците во Првата светска војна" - изложба во Воениот музеј во Виена
Во Воениот музеј на Австрија во Виена, кој е еден од најстарите и најпознати музеи во оваа земја, вчера беше отворена изложбата „Македонија и Македонците во Првата светска војна" што ја подготвија Воениот музеј и Државниот архив на Македонија.
Изложбата ја отвори амбасадорот на Република Македонија Василка Попоска-Треневска која во своето обраќање истакна дека изложбата е претставена пред австриската јавност на денот кога ги славиме македонските и сесловенски просветители, светите Кирил и Методиј кои, како што рече, своето епохално просветителско дело го започнаа токму во Македонија.
- Презентираните дела на изложбата се неми но силни сведоштва за ужасите и злосторот што се случија на тлото на Македонија во текот на Големата војна, истакна амбасадорката Попоска-Треневска.
Во своето обраќање заменик-директорот на Воениот музеј во Виена Кристов Хачек нагласи дека во текот на војната 213.000 Македонци биле насилно мобилизирани од завојуваните страни Србија, Бугарија и Грција, да се борат за туѓа кауза и интереси.
Директорот на Воениот музеј на Македонија Александар Стојчев рече дека на изложбата се прикажани седум воени и етнографски карти, 47 фотографии и 10 документи претставени на 24 паноа, кои се сведоштва за ужасите и разурнувањата на Македонскиот фронт.
Изложбата „Македонија и Македонците во Првата светска војна“ во Воениот музеј на Австрија ќе остане отворена до 16 јуни. Претходно оваа изложба беше поставена и во Стокхолм.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот