Македонецот Лазо Павлев (42) исчезна среде Белград, последен пат е виден на Дорќол па му се губи секаква трага

Македонскиот државјанин Лазо Павлев (42) исчезнал во Белград на 25 септември од кога му се губи секаква трага, објави српски Курир.

Неговото исчезнување е пријавено во Регистарот за исчезнати лица со објаснување дека Павлев престојувал во стан на Дорќол, и дека последниот контакт со него е остварен на 25 септември околу полноќ.

Сите околности за неговото исчезнување се непознати, а во апелот за помош во пронаоѓањето е објавено дека е висок 180 см. тежок 120 килограми, со кафеава коса и сини очи.

Порталот потенцира дека доколку некој има било какви информации за Павлев , да се јави во најблиската полициска станица во Белград.