Лукашенко ослободи шестмина политички опозиционери

На помалку од два месеци пред следните претседателски избори, на 11 октомври, белорускиот претседател Александар Лукашенко донесе одлука за ослободување од затвор на шестмина опозициски лидери, што важат за последни политички затвореници во земјата, објави претседателската канцеларија. 

Меѓу ослободените е Микола Статкевич, поранешен претседателски кандидат, затворен во 2010 година. Неговата сопруга ја потврди веста за ослободувањето. 

Лукашенко, кој е на власт во Белорусија од 1994 година, често е критикуван од Запад и своите политички противници за авторитарно владеење, а групите за заштита на човековите права го обвинуваат за кршење на граѓанските слободи. 

Во декември 2010 година Лукашенко доби четврти претседателски мандат.