-->
-->
ЛШ - жени: По еден бод за ЖРК Вардар и ФТЦ
-->
Македонскиот ракометен шампион Вардар одигра нерешено 27:27 со ФТЦ Будимпешта синоќа во првиот дуел од Лигата на шампионките.
„Вардарки“ на полувреме водеа со три гола разлика, во второто полувреме ги имаа и највисоките плус четири, но дозволија натпреварот да влезе во неизвесен финиш.
За само 10 минути од второто полувреме гостинските успеаја да израмнат на 20:20 навестувајќи неизвесна завршница. Вардар брзо возврати со водство 23:21, но потоа повторно ФТЦ израмни на 24:24, а потоа откако домаќинките не реализираа четири напади, им дозволија на гостинките да поведат со 24:25. Унгарките го одржуваа водството и имаа напад за победа. Вардар се одбрани и во последниот напад по тајм-аутот на тренерот Индира Кастратовиќ ризикуваше со седум ракометарки во поле без голман. Александра Лакрабер наместо да ја почне акцијата со додавање, направи чекори овозможувајќи им на гостинките да упатат удар на празниот гол. За среќа топката удри во стативата па резултатот остана ист, 27:27.
Најефикасни во редовите на „црвено-црните“ беа Андреа Пенезиќ со осум и Лакабер со шест погодоци. Кај ФТЦ Анико Ковачич шест пати се запиша во листата на стрелците.
Во следното коло Вардар е повторно домаќин, во Скопје доаѓа германски Лајпциг на 21 октомври.
фото: www.zrkvardar.mk
-->
-->
-->
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект