ЛШ: Ѓер европски шампион по продолжение, Вардар остана финалист

Ракометарките на Вардар остнаа без европската титула откако по продолжение го загубија финалето од унгарски Ѓер со 31:30 по продолжение. Во регулраниот дел дуелот заврши 26:26.

Натпреварот започна во изедначен игра, а до 10:10 беше нерешено и тогаш Вардар влезе во лоша серија од 10 минути без гол, а Ѓер поведе со 14:10.

Во вториот дел Вардар постепено ја стигнуваше предноста на ривалот и во 54.минута беше нерешено 24:24. На три минути пред крајот Вардар имаше и шанса за водство но ударот на Радичевиќ заврши во стативата. Во последната минута Мавсар постигна гол за изедначување 26:26.

Во продолжението Ѓер поведе со 29:26, но Вардар пак изедначи.

На поразот „кумуваа“ и судијките од Данска, како и записничката маса со неколку сомнителни одлуки на штета на македонскиот првак.

Вардар оваа сезона по три трети места одигра финале и го освои второто место.

Кај Ѓер најефикасни беа Анита Горбич со 7 голови, а по 6 постигнаа: Грот и Мерк.

Кај Вардар најефикасни беа: Ања Алтхаус и Александра Лакрабере со по 6 голови.

За Ѓер ова трета титула европски шампион по 2013 и 2014 година.

Во натпреварот за третото место досегашниот европски првак Букурешт го совлада Будуќност со 26:20.