Ловечка пушка без сериски број пронајдена во сепарација кај скопско Огњанци

Вчера во 11.08 часот во Единицата за информирање и команда било пријавено дека при ископ на песок, во сепарација во близина на с.Огњанци-Скопје, пронајдена е ловна пушка.

По пристигнување на полициски службеници од Полициско одделение Петровец, било констатирано дека се работи за стара ловна пушка, која во голема мера е оштетена и заради тоа не може да се утврди серискиот број. 

Известени се инспектори од Одделението за недозволена трговија - оружје и увидна екипа кои ќе ја подигнат пушката на местото на настанот за превземање на понатамошна постапка.