Лондон ќе добие преоден период по Брегзит до 31 декември 2020 година
Европската комисија денеска ги усвои насоките на Европскиот совет за продолжување на преговорите по излезот на Велика Британија од ЕУ.
Главниот европски преговарач Мишел Барние соопшти дека се предвидува договарање на преоден период, кој ќе заврши на 31 декември 2020 година. Дотогаш, Велика Британија ќе мора да го спроведува законодавството на ЕУ без да учествува во негово донесување.
Барние истакна дека според насоките на Европскиот совет, ЕУ е отворенa идните односи со Лондон, освен трговијата и економијата, да опфаќаат и борба против тероризмот и меѓународниот криминал, како и безбедност, одбрана и надворешна политика.
Тој нагласи дека поголем дел од идните договори ќе бидат предмет на ратификација од страна на националните парламенти во ЕУ. Според него, економијата ќе биде „само поглавје“ во идниот договор.
Главниот европски преговарач не ја отфрли можноста Велика Британија да преговара за билатералните договори и во преодниот период.
Барние изрази очекување дека разговорите за идните односи меѓу Велика Британија и ЕУ ќе започнат по Брегзитот на крајот од март следната година.
Ново на Сител
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено