Ливерпул по цели 30 години го подигна трофејот во Премиер лигата

Тимот на Ливерпул вчера и официјално му се израдува на својата прва титула во Премиер лигата по пауза од цели 30 години чекање.

По натпреварот против Челси кој го добија со 5:3 Ливерпул на специјална бина поставена на легендарната трибина „Коп“ го подигна долгопосакуваниот трофеј.

Иако тоа не беше како што сакаа сите, со присуство на гледачи, играчите на клубот и тоа како се израдуваа на овој трофеј.

Честа да ја подигне титулата ја имаше капитенот на Ливерпул, Џордан Хендерсон, а потоа следеше славје и на тревникот на „Енфилд“.