Лидерот на Хезболах на средби со претставници на Хамас и Исламски џихад за натамошни чекори за Газа

Хасан Насралах, лидерот на Хезболах, милитантна исламистичка организација која дејствува во Либан, во Бејрут се сретна со највисоките претставници на Хамас и на палестинскиот Исламски џихад.

Насралах се сретнал со заменик-шефот на Хамас, Салех ал-Арури и со лидерот на Исламскиот џихад, Зијад Нахалех, пишува Тајмс оф Израел.

Како што објавија медиумите под контрола на Хезболах, Насралах и палестинските милитантни водачи оцениле какви чекори мора да преземе „оската на отпорот“ за да се „постигне вистинска победа“ во Газа.

Палестинскиот Исламски џихад е втората по големина милитантна организација во Газа по Хамас.