„Летен хепенинг 2015“ во Претор

Полициската станица Ресен денеска на плажата во Претор на Преспанското езеро ќе ја реализира превентивната активност „Летен хепенинг 2015“, како дел од проектот  „Безбедно на нашите плажи“.

Како што информираат од полицијата, активноста традиционално се спроведува секоја година за време на туристичката сезона во Преспа, а е дел од превентивниот проект на ПС Ресен „Безбедно на нашите плажи“, кој се реализира во партнерство со Локалната самоуправа Ресен, Црвениот Крст и бизнис заедницата.

Целта на проектот и самата манифестација е заеднички, во партнерство со низа фактори од локалната заедница да се делува врз безбедноста на граѓаните и туристите кои ги посетуваат плажите во Преспа, со акцент на превенција од кражби на плажа, во возила и во туристичките населби.