Ле Пен: Грчкиот референдум е победа над „олихаргијата во ЕУ“

Резултатите од грчкиот референдум се победа над „олихаргијата во Европската унија“, изјави синоќа лидерката на ултрадесничарскиот француски Национален фронт Марин ле Пен.

- Европските држави треба да го искористат тоа, да седнат на преговарачка маса да објават неуспех на еврото и на ригорозните економски мерки и да организираат растурање на заедничкиот монетарен систем, што е неопходно за враќање на реалниот раст, вработеност и намалување на долговите, посочи Ле Пен.

Таа додаде дека „ЕУ се претворила во секта која се занимава со диктат, перење на мозоци и уцена“.

- Можат ли европските народи да продолжат да се помируваат со слична ситуација? референдумот во Грција покажа дека не, посочи Ле Пен