ЛДП бара итно воведување трет мобилен оператор во земјата

ЛДП бара Агенцијата  за електронски комуникации итно да овозможи влез на пазарот на трет мобилен оператор и да престане да го штити дуополот на мобилните оператори.

Потпретседателот на партијата Зоран Шапуриќ на прес конференција денеска рече дека ЛДП бара постапката за воведување трет мобилен оператор да биде целосно транспаретна. 

тој посочи дека со спојувањето на ВИП и ОНЕ се созаде дуопол и се намали конкуренцијата, со што се зголемија цените. 

- Овој дуопол и во иднина ќе продуцира натамашно зголемување на цените. Агенцијата за електронски комуникации, претходно укажуваше дека нема да дојде до зголемување на цените, што се покажа како сосема неточно. Спојувањето не требаше да се дозволи од Државната комисија за заштита на конкуренција, се’ додека не се пронајдеше нов мобилен оператор, рече Шапуриќ.