Лавров пристигна на Министерскиот совет на ОБСЕ
Шефот на руската дипломатија Серге Лавров пристигна на 30. Министерски совет на Организацијата за безбедност и соработка во Европа (ОБСЕ), што се одржува во Скопје.
Лавров, кој беше пречекан од министерот за надворешни работи Бујар Османи, не даде изјава за медиумите при пристигнувањето.
За доаѓањето на шефот на дипломатијата на Руската Федерацијa Северна Македонија времено ги суспендира санкциите воведени од ЕУ за прелети на руски авиони поради руската агресија на Украина.
Авионот со кој рускиот министер за надворешни работи Сергеј Лавров допатува во Скопје на Министерскито совет на ОБСЕ, прелетал преку воздушното пространство на Турција и на Грција, а не и на Бугарија, јавија руските медиуми. Менувањето на рутата за летот е поради одбивањето на бугарските власти да доволат прелет на авион во кој се наоѓа портпаролката на руското МНР, Марија Захарова. Летот траел повеќе од пет часа.
По потврденото присуството на Лавров, форумот решија да го бојкотираат министрите за надворешни работи на Украина Дмитри Кулеба, на балтичките земји - Естонија, Летонија и Литванија и на Полска.
На Министерскиот состанок се очекуваат одлуки за изборот на претседавач за 2024 година, за што на подготвителниот состанок на амбасадори на 57-те земји членки неделава во Виена е постигнат консензус тоа да биде Малта, а треба да се одлучува и за буџетот, како и за именувања за клучните позиции во институциите на ОБСЕ.
Руски медиуми пред неколку дена пренесоа дека Русија побарала од Северна Македонија, која претседава со ОБСЕ оваа година, да издаде визи за нејзината делегација за министерскиот состанок од 30 ноември до 1 декември. Русија, според руските медиуми, бара визи за 85 членови на руската делегација за учество на министерскиот состанок на ОБСЕ во Скопје. Во делегацијата ќе бидат рускиот министер за надворешни работи Сергеј Лавров, „неговиот лекар, техничкиот персонал, обезбедувањето“, 17 дипломати и 24 новинари, наведуваат руски медиуми.
Ново на Сител
-
Дончиќ ќе дебитира за Лејкерси против Јута
-
ВМРО-ДПМНЕ: СДСМ, Заев и Ковачевски потрошиле 280 илјади евра за фејсбук реклами
-
Најстудено во Берово, најмногу снег на Попова Шапка
-
Од денеска до петок во Србија повик за бојкот на пет големи трговски синџири поради високи цени
-
Во штипскиот Основен суд почнува судењето на Фадил Зејнелов, увиецот на Емилија Пешева
-
Членовите на Судски совет можат да одговорат на интерпелациите, седница најверојатно на почетокот на март
-
Макрон за изјавата на Трамп дека ќе воведе царини: ЕУ е сојузник, а не проблем на Америка
-
Трамп потврди дека сака САД да ја купат Газа