Лавров: Да се спречи ситуацијата во Сирија да се претвори во катастрофа

Министерот за надворешни работи на Русија, Сергеј Лавров, изјави денеска дека е време да се „научат лекциите“ од претходните кризи и да се спречи ситиацијата во Сирија да се претвори во катастрофа. 

Истовремено, државниот секретар на САД, Џон Кери, истакна дека САД и Русија во денешните разговори оствариле мал напредок за начинот на прекинување на сириската граѓанска војна, како и дека ги споделиле нивните идеи. 

- Се сретнав со рускиот министер за надворешни работи, разменивме неколку идеи и оставаривме мал напредок. Ние ги проценуваме некои од заедничките идеи на конструктивен начин, нагласи Кери во рамките на Генералното собрание на ОН во Њујорк.