Куп на нации: Тунис се пласира во полуфиналето
Тунис е последниот полуфиналист на Африканскиот куп на нации, откако со 3:0 го победи Мадагаскар, најпријатното изненадување на континенталниот шампионат во Египет.
Мадагаскар, репрезентацијата која досега се немаше квалификувано ниту на африканскиот шампионат, ниту на Светските првенства, сензационално го елиминираше ДР Конго во четврт-финалето, но против Тунижаните успеаја да издржат нешто повеќе од 50 минути.
Фержани Саси во 52. минута го постигна водечкиот гол за Тунис, за само осум минути подоцна Јусеф Мсакни да го удвои водството. Наим Слити во 92. минута стави печат на победата и пласманот во полуфинале.
Во полуфиналето Тунис налетува на „лавовите од Теранга“, Сенегал предводени од ѕвездата на Ливерпул, Садио Мане, додека во второто полуфинале, Алжир, под водство на Ријад Марез ја пречекува Нигерија.
АФРИКАНСКИ КУП НА НАЦИИ, ПОЛУФИНАЛЕ
Сенегал – Тунис
Алжир – Нигерија
Ново на Сител
-
Тема на денот со Александар Даштевски, претседател на ДИК
-
Мостот „Беласица“ целосно функционален
-
Зошто Токсикологија не почитува мерки на надлежни институции
-
Ќе се врати ли старата цена на осигурување за регистрација на возилата?
-
Обвинителството со огромен број докази за распределбата на спортски ваучери
-
ДУИ притиска: Без нас нема Влада - Од ВМРО-ДПМНЕ децидни Ахмети останува во опозиција
-
Парламентарни избори 2024
-
Вапцање велигденски јајца в зори на Велики Четврток