Крокодил станал вегетариjанец
Крокодилот Бабија, за кој 70 години се грижат монаси во Индија, станал вегетаријанец. Монасите велат дека рептилот што живее во езерцето блиску храмот, е целосно безопасен и не нападнал никого, пренесува БГНЕС.
Крокодилот живее кај храмот „Анантапададманабхасвами“ речиси целиот свој живот, не напаѓа луѓе и јаде ориз, па тамошните жители веќе го сметаат за вегетаријанец. Секој ден јаде по еден килограм варен бел ориз… Еден монах од манастирот му става ориз директно во устата, два пати на ден – во 8 часот наутро и напладне или навечер.
– Тој не јаде месо. Не ги напаѓа ниту рибите во езерото, изјави монахот Чандра Пракаш.
Стручњаците, сепак, сметаат дека крокодилот не може да јаде само ориз и не може да преживее толку многу години без животински протеини. Зоологот Анирбан Чаудари вели: „Крокодилот во езерото веројатно јаде риба, покрај оризот, и развил условен рефлекс“.
Бабија веќе е ѕвезда, па многу туристи доаѓаат да го видат специфичниот миленик на монасите.
Ново на Сител
-
MВР влезе во Академијата за судии и јавни обвинители
-
Какви измени треба да претрпи Кривичниот законик?
-
Tема на денот со Мане Јаковлески, почесен претседател на Здружението ,,Бигорски манастир''
-
Преглед на вестите од светот
-
Прво јавно појавување на Филипче како претседател на СДСМ: Лош старт на новата Влада
-
Утврдена предлог одлуката за состав на Комитетот за односи меѓу заедницата
-
58 амандмани на предложениот ребаланс на буџетот, собраниската расправа почна со критики
-
Економијата ќе биде приоритет во следните 10 години – Политиката ќе се тргне на страна