Кривична за лице од Конче осомничен за кражба на сириски државјанин во Гевеглија

Надворешната канцеларија за криминалистички работи-Гевгелија до Основното јавно обвинителество-Гевегелија поднесе кривична пријава против С.К.(44) од Конче осомничен дека сторил кривично дело „тешка кражба“.

МВР денеска соопшти дека пријавениот на ден 04.07.2015 година во периодот од 13 до 14 часот искористувајќи го отсуството на сириски државјанин, пред поголем број очевидци на јавно место одзел два црни ранци, сопственост на оштетениот и неговиот другар кои биле оставени кај локомотивата наспроти железничката станица. По извршување на делото, се појаснува во соопштението, пријавениот ги однел во неговиот дом во Гевгелија.

- Имено, сирискиот државјанин кога стигнал во полициската станица на железничка станица во Гевгелија во 13 часот чекал на ред за добивање потврда со намера за барање азил во полицијата, ги оставил двата ранци кај семејство од Сирија кои биле сместени во паркот наспроти железничката станица, со цел да им ги причуваат. Откако после еден час се вратиле по ранците, дознале дека семејството од Сирија нивните ранци им ги оставиле во паркот и заминале. Потоа сретнале неколку очевидци и дознале опис на осомничениот, го пријавиле настанот, па заедно со претставници од УНХЦР се упатиле кон неговиот дом, стои во соопштението од МВР.

По превземање на мерки и дејства пријавениот е лишен од слобода и ранците и паричните средства кои биле во нив се пронајдени и вратени на оштетените.