Кристален глобус за „Ноќен живот“ на Дамјан Козоле во Карлови Вари

Филмот „Ноќен живот“ на Дамјан Козоле, македонско-словенечка копродукција, го освои Кристалниот глобус за режија на престижниот Филмскиот фестивал во Карлови Вари.  

Во соопштението продукцијата „Митевски“ посочува дека долгогодишната и продлабочена словенечко-македонска филмска соработка има донесено многу успеси за нив и оти и ова е еден од посветлите мигови од таа богата историја.

- Во овој филм учествуваше голема македонска екипа, пред се одличниот Петар Арсовски, потоа Иво Трајков монтажа, шминка Мојца Горогранц Петрушевска, музика е користена од Сашко Костов, сцецијални ефекти се правени во 3XФX студиото во Македонија, а дел од звукот е работен во Македонија од Игор Поповски, велат од продукцијата „Митевски“.

Премиерата на филмот „Ноќен живот“ се одржа на 6 јули, а наскоро ќе биде објавено кога филмот првпат ќе биде презентиран и во Македонија. 

Филмот доби многу позитивни критики во најпрестижните филмски специјализирани списанија како Screen International, Variets, Ceneuropa.