Коста пред враќање во Атлетико ?

Атлетико Мадрид е подготвен во своите редови да го врати поранешниот нивни играч сега член на премиерлигашот Челзи Диего Коста. Според шпанските медиуми Атлетико понудил 55 милиони евра плус дополнителни 10 низ бонуси.

Овој трансфер би можел да се реализира во јануари 2018 година, а порано не беше можен бидејќи мадрискиот клуб има забрана за трансфери до јануари 2018 година. 

Челзи нема да прави пречки за трансферот, откако менаџерот Антонио Конте не смета на Коста за оваа сезона. 

Доколку се реализира овој трансфер шпанскиот репрезентативец Диего Коста ќе биде најскапиот фудбалер на Атлетико, авоедно по три и пол години би се вратил во клубот каде претходно настапуваше. Шпанските медиуми пресметаа и дека Коста ќе биде 200 дена без натпревар.