Конференција за учеството на граѓанските организации во процесот на пристапување кон ЕУ
Во организација на Секретаријатот за европски прашања денеска ќе се одржи конференција на тема „Граѓанските организации – катализатори на европската интеграција на Северна Македонија“, на која поздравни обраќање ќе имаат вицепремиерот задолжен за европски прашања и главен преговарач со ЕУ, Бојан Маричиќ, евроамбасадорот Дејвид Гир, шведската амбасадорка во земјава Ами Ларсон Џеин, и државната секретарка во СЕП и заменик на главниот преговарач со ЕУ, Дрита Абдиу-Халили.
Целта на конференцијата е презентирање на моделите за учество на граѓанските организации во процесот на пристапување на земјава кон Европската Унија и отворање дискусија околу нив.
Презентација на моделите на ангажирање на граѓанските организации во процесот на пристапување во ЕУ ќе одржи експертот за соработка со граѓанските организации во преговорите за пристапување во ЕУ, Момчило Радуловиќ.
Конференцијата е организирана со поддршка на Шведска преку проектот „Нордиска поддршка за напредок на Северна Македонија“, кој го спроведува Канцеларијата на Обединетите Нации за проектни услуги (УНОПС).
Ново на Сител
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција
-
Сообраќајот на државните патишта се одвива непречено
-
Променливо облачно и потопло со сончеви периоди
-
ВМРО-ДПМНЕ демантира дека разговара за ресори и поделба на власта со „Вреди“