Конференција за национални стандарди за младинска работа

Сојузот за младинска работа денеска организира конференција на тема „Важноста на постоењето на национални стандарди за квалитет на младинската работа и Национално портфолио за младинска работа, согласно европските практики и стандарди“.

На конференцијата најавено е обраќање на претставници од Агенцијата за млади и спорт, Националната агенција за европски програми и мобилност, Националниот младински совет на Македонија, Младинскиот културен центар од Битола, Сојузот за младинска работа и Коалицијата „СЕГА“.

Фокусот на конференцијата ќе биде ставен на сегашните трендови, тековните процеси и добри практики од земјите од регионот и ЕУ кои се тесно поврзани со препознавање на младинската работа како значајна професија за поддршка на развојот на младиот човек.