Конференција за медиумска саморегулација и етички предизвици во медиумите

Конференција за медиумската саморегулација и етичките предизвици во медиумите ќе се одржи денеска во Скопје во организација на Советот за етика во медиумите на Македонија.

На конференцијата, како што е најавено, ќе се обратат шефот на Делегацијата на ЕУ во Македонија, Самуел Жбогар и шефот на Мисијата на ОБСЕ, Нина Суомалаинен.

Конференцијата се организира со помош на грант доделен преку проектот “#РеФорМедиа – унапредување на соработката меѓу граѓанското општество, институциите и граѓаните за спроведување реформи во медиумската сфера”, што го спроведуваат Македонскиот институт за медиуми и Мировниот институт од Љубљана со финансиска поддршка од Европската Унија.