Коми: Трамп е „закоравен лажго“
Американскиот претседател Доналд Трамп е „закоравен лажго“, додека луѓето од неговото опкружување ги тера на лојалност како на „мафијашки бос“, пишува во книгата на поранешниот директор на ФБИ, Џејмс Коми.
Делови од книгата протекоа во јавност, а Коми го опишува Трамп како „опседнат со деталите за себе“.
Тој го опишува Трамп како „нечесен претседател, одвоен од реалноста и институционалните вредности“, а владее „воден од егото“ и бара да му се искажува лојалност.
Коми беше разрешен минатата година поради истрагата на ФБИ за можната предизборна соработка на соработниците на Трамп со Русија во 2016 година.
Коми пред Сенатот веќе ги спомна притисоците од Белата куќа и дека Трамп барал да му биде лојален и да ја откаже истрагата против генерал Мајкл Флин, тогашен советник за државна безбедност, кој беше принуден да поднесе оставка.
Во книгата „A Higher Loyalty: Truth, Lies, and Leadership“ (Голема лојалност: Вистина, лаги и водство), што излегува на 17 април, Коми ја опишува 20-годишната кариера за врема на претседателот Џорџ Буш помладиот и работата во ФБИ од 2013 до 2017 година.
Ново на Сител
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд
-
Тошковски: Мирен изборен ден