-->
-->
Колку нерезидентни сметки отвориле Македонците во соседните држави по зголемувањето на даноците
-->
Државата да провери дали и колку нерезидентни сметки отвориле Македонците во соседните држави по зголемувањето на даноците, порачуваат од Стопанската комора на Македонија. Велат дека позитивните ефекти врз државниот буџет ќе се помали од целокупниот ефект што го предизвикува воведувањето на прогресивното даночење.
На пример, се поттикнува даночната евазија, а се намалува конкурентноста на Македонија кај инвеститорите поради зголемените даноци. Од друга страна, буџетските приходи по основ на данокот од доход за 7 месеци се зголемиле за 16%, но од бизнис секторот велат дека нејасно е колку од зголемувањето е последица на прогресивното даночење во услови кога истовремено се рефистрираше раст на платите, но и зголемување на бројот на вработени во земјава.
Во рамки на Комората спроведена била и анкета за влијанието на прогресивното даночење врз работењето на фирмите. При тоа, 51% од компаниите се изјасниле дека промената во даночната политика не предизвикала негативни последици врз нивното работење.
Но, од Комората потенцираат дека најголем дел од овие фирми се всушност компании каде платите се пониски дури и од просечната плата на државно ниво. А дел , на пример, склучуваат договори за вработување според бруто плата, па така зголемениот трошок паѓа на товар на работникот.
Останатите 49% од фирмите рекле дека поради зголемените трошоци биле принудени да ги одложат планираните инвестиции, да го намалат бројот на вработени или во ИТ секторот, на пример, да ги зголемат цените на услугите.
Комората анкетирала околу 200 компании.
Мирјана Јовеска
-->
-->
-->
Ново на Сител
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман