Коцијанчич: ЗСО да биде формирана колку што е можно побрзо

Маја Коцијанчич, портпаролка на високата претставничка за надворешна политика и безбедност Федерика Могерини, изјави дека Европската унија очекува Заедницата на српски општини (ЗСО) да се формира колку што е можно поскоро.

- ЕУ очекува, во рамки на дијалогот, односите меѓу двете страни дополнително да се нормализираат и ЗСО да бидат формирани што поскоро, нагласи Коцијанчич, по повод изјавата на поранешниот командант на Ослободителната војска на Косово и актуелен кандидат за косовски премиер, Рамуш Харадинај. 

Претходно Харадинај наведе дека, доколку тој биде нов премиер на Косово, нема да има  место за ЗСО. 

Коцијанчич за „Новости“ изјави дека Договорот за ЗСО е постигнат меѓу двете страни во дијалогот што го олеснува Унијата. 

- Очекувам дека конструктивната посветеност, што ја покажаа двете страни на последниот состанок во рамки на дијалогот, ќе продолжи во неделите и месеците што следат, истакна портпаролката на Могерини.