КЈП„Водовод“ од Кочани со пилот проект за намалување на загубата на вода

Комуналното јавно претпријатие „Водовод“ од Кочани е влезено како пилот претпријатие  од Република Македонија во кое ќе се реализира проектот за намалување на загубите на вода од градскиот водовод.

 

Ова е проект на  германската и швајцарската агенција за развој  финансиран со буџет од 500 илјади евра, а вклучени се 9 комунални претпријатија по три од Македонија, Косово и Босна и Херцеговина.

 

- Со овој проект сакаме да ја зајакнеме работата на КЈП „Водовод“ и да ја намалиме загубата на вода од градскиот водовод. За реализација на овој проект се обезбедени финансиски средства од 30 илјади евра, истакна на денешната прес-конференција Самир Алибабиќ, проект менаџер на компанијата „Аква сан“ од Босна и Херцеговина.

 

- Од овој проект очекуваме многу, пред се да се намали загубата на вода од градскиот водовод во Кочани. Ние сме носители на проектот во Република Македонија. Заедно со нас се вклучени и Комуналните претпријатија од Виница и Гевгелија, изјави Љупчо Папазов, директор на КЈП „Водовод“ од Кочани. Овој проект, според најавите, ќе се имплементира во наредните три месеци.