Ќе се прераскажува долго оваа македонско-арапска свадба: Македонка се омажи за Египќанец

Слаѓана и нејзиниот избраник Фарук ја направија свадбата која долго ќе се помни и прераскажува како една од најубавите било кога направени. Катар е земјата каде работата и љубовта ги спои овие две души. Слаѓана работи со медицинска опрема, а Фарук е доктор. Таа е Mакедонка, а тој е од Египет, објави порталот Во Бело.

Својата љубов ја крунисаа првично во Катар и тоа на 1 декември( роденденот на Слаѓана), а потоа направија и свадба на Малдивите. Летово тие направија и традиционална македонско- арапска свадба во Македонија. Сите адети и традиции беа испочитувани.

Од китење на младоженецот до сечење на тортата со традиционален арапски меч кој за таа пригода беше донесен од Катар. Свадбената веселба беше мешавина на традиционални македонски и арапски песни.

Погледнете ја галеријата на овие среќни младенци и уживајте во убавините на една навистина бајковита свадба.