Ќе се ограничи работното време на кофи шоповите во Амстердам

Државниот совет на Холандија денеска одлучи да се ограничи работното време на кофи шоповите во Амстердам, кои се во близина на училиштата.

- Судот во Амстердам одлучи дека градоначалникот има право да го ограничи работното време на кофи шоповите, соопшти холандскиот Дежавен совет.

Кафулињата во кои се продава канабис и се наоѓаат во радиус од 250 метри од училиштата нема да можат да работат од седум часот и 30 минути, како до сега, туку ќе бидат отворени од 18 до еден часот по полноќ.

Сопствениците на кофи шоповите најавија жалба против судската одлука со образложение дека објекти се популарни кај туристите.

Во Холандија продажбата на мало количество на канабис, под пет грамови на човек, беше декриминализирана во 1976 година. Во моментот марихуана се продава легално во околу 600 кафулиња во Холандија.