Кинески лекари и голема медицинска помош полетаа за Србија

Најголемиот авион на Ер Србија, ербас А330, кој вчера полета за Кина, подготвен е да се врати назад во Србија, полн со медицинска опрема и кинески медицински експерти кои ќе помогнат во борбата против коронавирусот.

Авионот полета и се очеквуа да слета во Белград околу 20 часот. Пред полетувањето, кинеските лекари се фотографираа со авионската посада и српско знаме.

Претходно кинескиот претседател Си Џинпинг испрати писмо до српскиот претседател Александар Вучиќ, во кое изрази поддршка за Србија, медицинска помош и помош со персонал.