Кина продолжува да ги намалува ограничувањата за странски инвестиции

Ограничувањата за странски инвестиции во производствениот сектор ќе бидат укинати со објавување на негативната листа за пристап до странски инвестиции за 2024 година, соопштија вчера кинеската Национална комисија за развој и реформи и Министерството за трговија.

Негативната листа ќе стапи во сила на 1 ноември и ќе го намали бројот на ограничувања од 31 на 29, со што ќе се постигнат нулта ограничувања за производниот сектор.

Објавувањето и спроведувањето на националната негативна листа за 2024 година е важен чекор во изградбата на нов систем на отворена економија на повисоко ниво, истакна Националната комисија за развој и реформи.

Оваа национална комисија ќе работи со Министерството за трговија и со други сектори и региони за понатамошно спроведување на националниот систем за третман на инвестиции.