Кина одржува нови воени вежби во близина на Тајван
Кинеската армија соопшти дека денеска одржала нови воени вежби во близина на Тајван, во мигови кога група американски пратеници се во посета на Тајпеј каде се сретнаа со тајванската претседателка Цаи Инг-вен.
Источната команда на Народноослободителната војска на Кина објави дека вежбите се „остро средство за одвраќање на Америка и Тајван кои продолжуваат со политички игри да го поткопуваат мирот и стабилноста во Тајванскиот теснец”.
Кинеското Министерство за одбрана посочи дека посетата на американски претставници на Тајван го нарушува суверенитетот и територијалниот интегритет на Кина.
Во соопштението на Пекинг уште еднаш се предупредува дека употребата на Тајван како средство за контрола врз Кина е осудено на неуспех.
Претходно овој месец Кина спроведе големи воени вежби во областа околу Тајван, по посетата на претседателката на Претставничкиот дом на американскиот Конгрес Ненси Пелоси на Тајпеј.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот