Ким ветил дека ќе му помогне на Путин во руската војна против Украина
Севернокорејскиот лидер Ким Џонг-Ун му ветил на рускиот претседател Владимир Путин помош во руската војна против Украина на средбата во рускиот космодром Восточни, пренесе ДПА повикувајќи се на медиуми.
– Русија се крена за да го заштити својот суверенитет и безбедност, рекол Ким на средбата со Путин, пренесува агенцијата Интерфакс.
– Ние секогаш и ќе продолжиме да ги поддржуваме сите одлуки на Путин и одлуки на руската влада.
Се надевам дека секогаш ќе бидеме заедно во борбата против империјализмот и во изградбата на суверена држава, рекол Ким.
Средбата на Путин и Ким е прва посета на севернокорејскиот лидер на Русија во последните четири години.
Покрај прашањата за ракетната технологија, според набљудувачите, на дневен ред на состанокот се и испораката на оружје и муниција од Северна Кореја за Русија.
За време на состанокот Путин-Ким, руското Министерство за надворешни работи најави посебна посета на кинескиот министер за надворешни работи Ванг Ји на Москва.
Ванг ќе се сретне со својот руски колега Сергеј Лавров.
Ново на Сител
-
Собранието го изгласа ребалансот на Буџетот
-
Тема на денот со Каја Шукова, кандидатка на СДСМ за градноначалничка на Скопје
-
Линеарното зголемување на пензиите денеска на владина седница
-
СДСМ бара нови мерки
-
Битката во албанскиот блок – фокус на локалните избори
-
Ивановска: Има начини законски да се разреши Димитровска од антикорупциска
-
Партиите со меѓусебни обвинувања за идејата за резолуција со Бугарија
-
Службите во Македонски Брод со пожари се борат на три фронта