Камерунецот Сонг во кома

Легендата на камерунскиот фудбал Ригоберт Сонг (40) се наоѓа во критична состојба, откако претрпел мозочен удар.

 

Поранешниот фудбалер на Мец, Салернитана, Келн, Ливерпул, Вест Хем, Галатасарај и Трабзон, Ригоберт Сонг, итно бил хоспитализиран, а потоа и опериран, откако претрпел мозочен удар.

 

Легендата на камерунскиот фудбал се наоѓа во кома и неговата здравствена состојба е критична, пренесуваат локалните медиуми.

 

Сонг е рекордер според бројот на настапите за Камерум (137), со репрезентацијата двапати победил на Африканскиот куп (2000, 2002), а учествувал на четири Светски првенства (1994, 1998, 2002, 2010).