Камен-темелник на Откупно-дистрибутивен центар во Илинден

Во локалната индустриска зона „Стопански комплекс Илинден“ во општина Илинден денеска ќе биде поставен камен-темелник на нова странска директна инвестиција на турската компанија „Атајмач“ од Анкара.

На електронско јавно наддавање компанијата „Атајмач“, како што информираат од општина Илинден, купи парцела од 87.000 метри квадратни на која ќе гради Откупно-дистрибутивен центар за земјоделски и раноградинарски производи.

На поставувањето на камен-темелникот најавено е присуство на градоначалникот Жика Стојановски и министри од Владата на Република Македонија.