Каевски: Сакаме да го вратиме сјајот на атлетиката во нашата држава
Директорот на Агенцијата за млади и спорт, Дарко Каевски, очекува во периодот што следува, атлетиката во нашата земја да биде подигнато на едно повисоко ниво. Прва можност за популаризација на „кралицата на спортовите“ во Македонија е претстојното Европско првенство во клупски шампионат трета лига кое на 10 и 11 август ќе се одржи во Скопје.
– Една од најголемите заложби на Агенцијата за млади и спорт е организирање на големи манифестации кои што не само го промовираат спортот туку и убавините на нашата земја. Со организација на ова ЕП го ставаме Скопје на спортската светска мапа кој ќе биде домаќин на преку 430 учесници од повеќе од 14 земји. Во соработка со Атлетската федерација и во иднина ќе правиме вакви и слични активности со цел да ја вратиме атлетиката на пиедесталот на спортови во нашата држава, изјави Каевски на денешната прес-конференција.
Македонија на европскиот шампионат ќе ја претставуваат 26 атлетичари, од кои најмногу се очекува од Јован Стојоски, Дрита Ислами и Дарио Ивановски.
Претседателката на Атлетската федерација на Македонија, Александра Војнеска соопшти дека се е подготвено за евро-шампионатот. Таа упати апел до вљубениците во атлетиката и спортот воопшто во голем број да дојдат на стадионот и со своето присуство да го збогатат овој меѓународен настан.
Најголеми фаворити за влез во втората лига се Исланд и Србија, а покрај нив ќе учествуваат и натпреварувачи од Ерменија, Исланд, Србија, Албанија, Косово, Азербејџан, Босна и Херцеговина, Молдавија, Црна Гора….
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови