Јувентус не успеа да се квалификува во плејофот на Лигата на шампионите за прв пат по 2013/14
Италијанскиот фудбалски гигант Јувентус не се пласира во осминафиналето во Лигата на шампионите.
Избраниците на тренерот Масимилијано Алегри синоќа загубија на гостувањето кај Бенфика (3:4) во 5. коло од групната фаза. ПСЖ и Бенфика од групата Х се пласираа во осминафиналето со по 11 бода, додека Јувентус и Макаби имаат по три бода и ќе се борат за учество во плејофот во Лигата на Европа.
Јувентус во 6. коло ќе му гостува на ПСЖ, а Макаби ќе ја пречека Бенфика.
Торинскиот клуб не успеа да се квалификува во плејофот на Лигата на шампионите за прв пат по сезоната 2013/14. Таа сезона „Старата дама“ под водство на Антонио Конте го зазеде третото место во групата со Реал Мадрид, Галатасарај и Копенхаген.
Следните две сезони Јувентус играше два пати во финалето на Лигата на шампионите, но загубија во двата случаи (2014/2015, 2016/2017).
Ново на Сител
-
Аудио снимки од повици за помош на починатата Ивана и од сведоци на тепањето, пуштени денеска во судница
-
Со снимки од пријавите за семејно насилство продолжува судењето против Стојанче Јовановски
-
Мнозинството не ги прифати пакет законите на СДСМ за заштита на животниот стандард на граѓаните
-
Преглед на вестите од светот
-
Заврши втората сесија од стратешкиот дијалог со САД
-
Конфликтите го менуваат туризмот
-
Главна дестинација за прилепчани за Велигден и понатаму е дома, но се зголемува бројот и на оние кои патуваат во странство
-
Штипска модуларна повторно во функција, но со друга намена
