ЈСП Скопје: Најавениот протест е политички мотивиран, веќе е донесена одлука за зголемување на платите

Најавениот протест од страна на Независниот синдикат во ЈСП Скопје е политички мотивиран, неприфатлив и штетен за целокупното работење на претпријатието и е на штета на граѓаните, порачуваат од Јавното градско сообраќајно претпријатие.

Информираат дека Управниот одбор на ЈСП Скопје на 19 април годинава веќе ги прифати барањата на Независниот синдикат со одлука за линеарно зголемување на платите во износ од 2.800 денари.

-Поради ова ги осудуваме ваквите дејствија и апелираме дека со политички мотивирани манипулации поттикнати од центри на политичка моќ нема да се придонесе кон развој и унапредување на статусот на вработените во ЈСП Скопје, туку, напротив ќе доведат до непоправлива штета која негативно ќе влијае врз работните процеси и статусот на вработените во претпријатието, како и за граѓаните воопшто, велат од ЈСП Скопје.