Јолевски на средба со членови на собраниската Комисија за одбрана и безбедност
Министерот за одбрана Зоран Јолевски и началникот на Генералштабот на Армијата на Република Македонија, генерал-потполковник Методија Величковски денеска во Домот на АРМ имаа работен ручек со членовите на собраниската Комисија за одбрана и безбедност.
Како што информираше министерот Јолевски средбата со членовите на Комисијата, е со цел на крајот на годината да се разменат мислења и ставови околу тоа како се движеле реформите на АРМ во 2015 година и кои се плановите за 2016 година.
- Ние имаме одлична соработка со Комисијата и постојано сме во контакт, меѓутоа сметаме дека е добро еднаш на крајот од годината да имаме ваква заедничка средба со сите членови и да разговараме неформално во Домот на Армијата, истакна Јолевски.
За претседателот на собраниската Комисија за одбрана и безбедност, пратеникот Емил Димитриев, овие средби се убава можност да се разменат мислења околу тековните состојби во одбраната и безбедноста во Македонија. Членови на Комисијата со претставниците од Министерството за одбрана и од Генералштабот на Армијата, рече, имаат можност да ги сумираат резултатите од годината што привршува и да разговараат за одредени приоритети кои треба да бидат на агендата за наредната година.
- Законодавната и извршната власт кога соработуваат е од заеднички интерес, бидејќи големите проекти кои бараат собраниска процедура е добро да бидат разговарани во една ваква атмосфера и при седниците на Комисијата да имаме што е можно повеќе информации, за нашите колеги пратеници да одлучуваат соодветно, изјави Димитриев, истакнувајќи оти ова е добра пракса што треба да биде задржана и во иднина.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид