Ји: Влегувањето на Црна Гора во НАТО најдраматична промена во регионот
Заменикот помошник американски државен секретар Хојт Брајан Ји на 2БС Форумот, кој вчера се одржуваше во Будва изјави дека влегувањето на Црна Гора во НАТО е најдраматичната промена, иако многу работи се случиле во регионот оваа година.
Тој изјави дека членството во Алијансата е извонредно достигнување за Црна Гора.
- САД остануваат со Црна Гора на секој чекор на патот кон НАТО, нагласи Ји.
Тој нагласи дека САД исто така ќе застанат зад секој земја во регионот, која има таква цел.
- Ќе го поддржуваме и НАТО како столб на глобалната безбедност. Партнерството на САД и ЕУ нема да се менува. Америка е посветена на Алијансата, наведе тој.
Според него влезот на Црна Гора во НАТО ќе ја зајакне конзистентноста на политиката на отворени врати, но ја открива одлучноста на Русија да го поткопа напредокот на Балканот на европскиот и евроатлантскиот пат, почнувајќи од, како што кажа „дрскиот план за Подгорица и поддршките на движењата во Босна, до напорите да се изолира Косово“.
- Видовме застрашувачка националистичка реторика и политики на поделби, видовме солзавец во Собранието на Косово, политичари во Република Српска кои се закануваат со отцепување, толпа која упадна во Парламентот во Скопје, опозиција во Црна Гора, која го бојкотира Парламентот. Со цел сето тоа да се избегне лидерите во регионот мора да најдат политичка храброст за неопходните, но непопуларни реформи во интерес на граѓаните. Се надевам дека новиот премиер на Косово ќе има храброст да ја усвои спогодбата за разграничување со Црна Гора, рече Ји.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат