Јапонско списание исмеано поради застарени пораки за жените
Јапонското списание „ЈЈ“ ги советуваше жените да им се восхитуваат на мажите со забелешки од типот: „Звучиш како Сократ”, и беше исмеано во земјата, која инаку, по половата рамноправност, е меѓу најлошите во светот, според статистиката.
Познатото модно списание на младите читателки им препорача да го споредуваат момчето со грчкиот филозоф кога тој „ќе изговори нешто комплицирано“. И, тоа предизвика лавина негативни коментари на Твитер.
Написот притоа објаснува дека ги темели своите сознанија на женски стрип во кој жените ги воздигнуваат мажите и глумат дека се под нивната интелигенција.
Јапонија во 2018 година, имајќи ја предвид родовата рамноправност, беше на 110-то место од 149 земји во извештајот на Светскиот економски форум.
Поради тоа, и премиерот Шинѕо Абе се труди да турка политики кои ќе промовираат јакнење на положбата на жената.
Инаку, на Сократ му се припишува совет: „Секако, оженете се. Ако најдете добра жена, ќе бидете среќни, а ако најдете лоша, ќе станете филозоф”.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228