Јапонската Влада поднесе оставка

Владата на Јапонија поднесе денеска оставка пред реконструкцијата, која премиерот Шинѕо Абе треба да ја изврши подоцна денеска.

Според досегашните информации на медиумите, Абе ќе остави во Кабинетот повеќе од половина од сегашните 19 министри, вклучувајќи го и главниот секретар и министрите за финансии, одбрана и надворешни работи.

Се очекува да бидат сменети министерот за економија, трговија и и индустрија, како и министерот за образование, култура и спорт.

Се формира нова министерска позиција за социјални прашања поврзани со стареењето и намалувањето на населението.

Се очекува новата влада како приоритети да ги постави економскиот раст зголемувањето на наталитетот и рефомирање на преоптоварениот социјален систем