Јаневска: Покачувањето на платите со кое се фали СДС не е доволно ниту за еден кубик дрвa
Прес конференцијата на Даниела Колева е крајно потценувачка за наставниците и безочна лага, или тотално незнаење.
Во однос на покачувањето на платите на наставниците Колева вели дека во период на владеење на ВМРО-ДПМНЕ од 11 години платите на наставниците биле зголемени само за 4%. Невидена ЛАГА затоа што во тој период платите на наставниците беа зголемени најголемата за 67%, а најмалата за 117%. Најновото покачување на платите кое го направи СДСМ-ДУИ изнесува просечно 3000 денари. Ја информирам Колева дека ова не е доволно ни за еден кубик дрва, ниту за плаќање на парно и струја, а да не зборувам за нега на мало дете во семејството на наставникот.
Во однос на подобрување на условите за работа Колева вели дека до сега се реконструирани или изградени 80 училишта. Ја потсетувам и неа и Владата на СДСМ-ДУИ дека ВМРО-ДПМНЕ изгради 74 училишта и реконструираше 400. За волја на вистината, во време на Мила Царовска се направија помали реконструкции, како што се реконструкции на тоалети во училиштата, кои според нејзина изјава за 2-3 години се распаднаа “заради неодржување“.
Сега најучтиво ја молам Колева да приложи список на новоизградени училишта и да не просветли, затоа што освен „Киро Глигоров“ кое е проект на ВМРО-ДПМНЕ за друго во Скопје не знаеме, а исто така освен доградби и за во внатрешноста не сме чуле.
Конечно за промената на тарифата на струјата. Ако Колева имаше било какви сознанија од образованието ќе знаеше дека промената на тарифата Владата ја направи под силен притисок На ВМРО-ДПМНЕ. И'препорачувам да ги погледне моите постови и медиумски изјави, планот за решавање на енергетската криза на лидерот на опозицијата Христијан Мицковски и бројните изјави на раководството на ВМРО-ДПМНЕ.
Не ја гледам смислата на ваков прес. Кому му е наменет? Наставниците не се малоумни, населението не е слепо и глуво.
Центар за комуникации на ВМРО-ДПМНЕ
Ново на Сител
-
Средношколците и МОН постигнаа договор
-
Тема на денот со Нано Ружин
-
Врвни специјалисти во Аџибадем Систина со минимално инвазивни процедури третираат карциноми и последици од мозочен удар
-
Синот на Џафери и сопругата на Абази се пријавија на огласот за обвинители
-
Стојче Ивановски има 100% оштетување на видот, но Комисијата за инвалидска пензија го враќа на работа
-
Синдикатот од здравството со најава за протести ако не се исполни ветувањето за поголеми плати
-
Македонија - Три години во НАТО
-
Лога бара со внесот на бугарите да се направат и уставните измени за албанскиот јазик