Ја силувал ќерка си од шестгодишна возраст и ја терал да ја шири верата во Хрватска

Маж од Хрватска е осуден на 23 години затвор за силување на својата ќерка. Како што објави Јутарњи, 45-годишниот маж ја силувал својата ќерка од нејзината шеста година, а малтретирањето продолжило се до август минатата година, кога мажот бил уапсен.

Од 2013 година до минатата година, на штета на својата ќерка која сега има 17 години, извршил 341 кривично дело сексуална злоупотреба и експлоатација на дете, меѓу кои и блудни дела и силување и повреда на правата на детето.

Обвинетиот од првиот до последниот момент се бранел со молчење. Како олеснителна околност, судот ја зел предвид неговата неосудуваност, а отежнувачки е тоа што делата ги вршел подолг период на штета на сопственото дете и покажал голема криминална волја.

За време на интервјуа во повеќе институции, жртвата опишала дека се плаши од својот татко бидејќи тој се заканувал дека ако некому каже што и прави, ќе ги убие и двајцата. Освен тоа, ѝ ја ограничил комуникацијата со нејзините пријатели, ја спречил да оди на гинеколог и ја принудувал да посетува куќи каде што ја проповедаат верата. Мајката тврди дека не знаела ништо.