Изработена 90-метарска пура во чест на 90-от роденден на Фидел Кастро

Кубанецот Хосе Кастелар, познат како Куето, кој е веќе носител на пет Гинисови рекорди за најдолга пура, изработи 90-метарска пура, која рачно ја завитка по повод 90-от роденден на Фидел Кастро.

Оваа пура може да му ја донесе и шестата титула.

- Пурата е долга 90 метри, по повод 90-от роденден на нашиот лидер, изјави Куето за време на нејзиното презентирање.

Тој објасни дека не го познава лично кубанскиот лидер, кој се повлече од власта пред 10 години и не пуши пури веќе 30 години.

- Тој одамна не пуши пури, но ние му ја подаруваме за да го одбележиме неговиот роденден, истакна 72-годишниот Кастелар, кој витка пури од својата пет годишна возраст.

Тој започнал да ја подготвува пурата на 2 август, а работел по 12 часа со помош на група соработници.