Измамен кумановец: Дал 500 евра на заем и договорил за возврат или пари или дрва, но не добил ништо

СВР Куманово поднесе кривична пријава против Д.Ј.(42) од Куманово, поради постоење основи на сомнение за сторено кривично дело „измама”.

Како што информираат од полицијата, пријавениот, на 31.07.2022 од лице од кумановско село побарал на заем 30.000 денари со образложение дека со парите ќе купи шума и дека доколку не биде во можност да ги врати во рок од една недела ќе го компензира долгот со испорака на 13 кубни метри огревно дрво. Оштетениот не ги добил парите, ниту ја добил ветената количина на огревно дрво, по што пријавил дека е измамен.