Изложба на Фатмир Ставилеци во КИЦ-Скопје

Во Изложбениот салон Империјал 1 во Културно-информативниот центар вечер ќе биде отворена изложба на слики од уметникот Фатмир Ставилеци. 

Ставилеци (1947) по завршувањето на основното и средното (учителско) образование, во 1967 година се запишал на Виша педагошка, отсек ликовно воспитување во Скопје. Работел како наставник по ликовно образование, а завршил и Ликовната академија во Приштина, отсек сликарство, во класата на проф. Тахир Емра.

Самостојни изложби имал во Скопје, Љубљана и во Ново Место. Од 1993 до 2016 учествувал на десет групни изложби во Скопје, Тетово, Гостивар, Дебар и Струга.

Изложбата на Ставилеци во КИЦ ќе биде отворена до 28 ноември.