Изложба на дела од Родољуб Анастасов од циклусот „Енформелска лабораторија“
Музеј на Град Скопје вечер во „Галерија Јустина и Родољуб Анастасов“ ќе ја отвори поставката „Енформелска лабораторија 3“. Ќе бидат изложени дела од циклусот „Енформелска лабораторија“ кои Анастасов ги создавал на крајот на педесеттите и првата половина на шеесеттите години од минатиот век.
- Овие цртежи се дел од колективниот напор нашето општество да ги прифати и да ги присвои вредностите на модерноста. Анастасов, тогаш млад уметник, е веќе длабоко во неа целосно посветен на насетувањето на новите јазички простори кои се пред него. Тој почнува да експериментира и таквото слободно експериментирање со формата и со слободата со која таа форма се освојува поседува некаква невиност во реализацијата, применета, толкувана, разбрана како чин на сопствено осознавање, информира Музеј на Град Скопје.
„Галеријата Јустина и Родољуб Анастасов“ е отворена во мај 2012 година во рамки на Музејот. Нејзиното формирање беше овозможено со донацијата од 346 дела кои Родољуб Анастасов му ги подари на Музејот. Делата од циклусот „Енформелска лабораторија“ досега не биле излагани во оваа галерија. Се работи за 30 цртежи и 4 масла – дел од колекцијата на Галеријата, која поседува цртежи, графики и акварели од сите фази на уметникот.
Дел од нив се изложувани и инцидентно се репродуцирани, но голем дел се реално непознати и непубликувани. Музејот на Град Скопје планира сукцесивно да ги изложува делата од оваа збирка во просторот на Галеријата, но и на други изложби организирани во Македонија или во странство.
Ново на Сител
-
За кокаин и убиства по нарачка шестмина членови на криминалната група Грчец осудени на вкупно 50 и пол години затвор
-
УХМР: Следните два дена топло, потоа локален пороен дожд и ветер
-
Нелегално оружје и муниција одземени од стружанец, за дел поседувал дозвола
-
Три месеци затвор за убиството на кучето Феликс
-
Лекар во Струшката болница го оштетил буџетот на установата за два милиони денари
-
Кривична за дебранец за недозволено изработување и трговија со оружје и муниција
-
Лим од заштитна ограда на градилиште падна врз велосипедист кај „Беко“
-
Го фатила за врат снимателот и му ја оштетила камерата, на новинарот му го одзеле и фрлиле телефонот, обвинение за нападот во Визбегово