Изградба на нова амбуланта во Миладиновци

Во населеното место Миладиновци во Општина Илинден, на површина од 250 метри квадратни, се  гради нова амбуланта која ќе овозможи здравствени услуги за жителите од Миладиновци, Бујковци, Мршевци, Бучинци, Текија и Дељадровци.

Амбуланта ќе располага со две ординации за општа медицина, стоматолошка ординација, просторија за вакцинација, просторија за интервенција, лабораторија, аптека, чекална, како и оптимален број на тоалети за пациентите.

Вкупната инвестиција за реализацијата на овој проект изнесува 14 милиони денари, средства обезбедени согласно трипартитниот договор помеѓу Министерството за Здравство, Општина Илинден и Здравствен дом Скопје.

Рокот за изградба е до крајот на септември оваа година.