Иванов во дводневна официјална посета на Бугарија
Македонскиот претседател Ѓорге Иванов од денеска ќе престојува во дводневна официјална посета на Република Бугарија, на покана на бугарскиот колега Румен Радев.
Претседателот Иванов, како што соопшти неговиот кабинет, во Софија со највисоки државни почести ќе биде пречекан од бугарскиот претседател Радев.
Предвидено е двајцата претседатели да одржат тет-а-тет средба, по што двете официјални делегации ќе одржат пленарен состанок. Претседателот Иванов, придружуван од претседателот Радев, ќе положи венец пред Споменикот на Непознатиот војник во Софија.
За време на официјалната посета, претседателот Иванов ќе има средба со претседателот на Народното Собрание на Република Бугарија, Цвета Карајанчева, со бугарскиот премиер Бојко Борисов и со заменик претседателот на Владата и министер за надворешни работи, Екатерина Захариева.
Претседателот Иванов ќе го посети и Културно-информативниот центар на Република Македонија во Софија, каде е предвидена средба со македонски граѓани, стопанственици и културни дејци кои живеат и работат во Република Бугарија.
За време на официјалната посета на Бугарија претседателот Иванов ќе биде придружуван од сопругата Маја Иванова.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување