Истражување на Пју: Општествата ширум светот веруваат дека медиумите се пристрасни
Луѓето во светот сакаат нивните медиуми да бидат политички непристрасни, но голем дел од јавноста смета дека средствата за масовни комуникации не ја извршуваат таа задача, се вели во анкета на американскиот аналитички центар Пју.
Анкетата е спроведена врз околу 42.000 луѓе во 38 држави во периодот меѓу февруари и март 2017 година.
– И покрај огромните разлики во светот во структурата на водењето, политиката и медиумите, постои широк консензус дека улогата на медиумите е да не заземаат страна за политички прашања туку да известуваат непристрасно со објавување на сите агли, изјави Ејми Мичел, претставник на Пју.
Според анкетата, 75 отсто од анкетираните сметаат дека „никогаш“ не е прифатливо медиум да зазема страна на една или друга политичка партија. Само 62 отсто изразуваат увереност дека медиумите „точно известуваат за настаните“, а само 59 отсто сметаат дека за политиката се известува непристрасно и точно.
Заклучокот е дека само 52 отсто од луѓето се задоволни од начинот на кој медиумите во државата им известуваат за политички теми и го определиле како „непристрасен“ тој начин. Во исто време три четвртини (73 отсто) сметаат дека се задоволни од начинот на кој медиумите известуваат за „важни теми“ посочувајќи дека „тие добро ја вршат својата работа“.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување